(Pyetja Nr. 30) Parid / 9-10-2008

Es-selamu alejkum ue rahmetullahi ue berekatuhu .Allahu te shperblefte per ndihmen tende dhe te ruajte ne minhaxhin e shtrejnte selefi. Me lindi deshira, pasi lexova komentimin e hadithit (feja eshte keshille) nese Allahu tebareke ue teala ta mundeson, te na shpjegosh dhe kete hadith: “Unë jam ashtu si mendon robi im për Mua dhe Unë jam me të kur ai më përmend Mua. Nëse ai më përmend në veten e tij, Unë e përmend atë në Veten Time dhe nëse më përmend në një grup njerëzish, Unë e përmend atë në një grup më të mirë se ai.” Allahu te ruajte dhe te mundesofte kuptimin e fese.

Përgjigje / 14-10-2008

Ebu Hurejra (radiallahu anhu) thote: “I Derguari i Allahut (salallahu alejhi ue selem) ka thene: “Allahu i Lartesuar thote: “Unë veproj ashtu si mendon robi im se do te veproj (me te) dhe Unë jam me të kur ai më përmend Mua. Nëse ai më përmend në veten e tij, Unë e përmend atë në Veten Time dhe nëse më përmend në një grup njerëzish, Unë e përmend atë në një grup më të mirë se ai. Nese me afrohet Mua nje pellembe, Une i afrohem nje krah; nese me afrohet nje krah, Une i afrohem nje pash; dhe nese me vjen drejt Meje duke ecur, Une shkoj drejt tij duke vrapuar.” [Buhariu, 7403].

Per komentimin e ketij hadithi, do te mjaftohemi me komentimin qe ka bere dijetari i madh, komentuesi i “Sahihut” te Buhariut, Iben Haxher el Askalani, i cili thote: “Fjala “Une veproj ashtu si mendon robi Im se do te veproj me te”, d.m.th: Une kam fuqi te veproj me robin Tim ashtu si mendon ai se do te veproj me te. El Kermani thote: “Nga teksti i hadithit kuptohet dominimi i anes se shpreses mbi ate te frikes. Ai qe ka mend, nese e degjon kete hadith, nuk shkon kurre ne mendimin se mbi te do te bjere denimi, gje e cila eshte ana e frikes, sepse ai nuk e zgjedh kete per veten e vet, por shkon ne mendimin se do te arrije premtimin e Allahut, dmth anen e shpreses. Por, siç thone dijetaret, kjo shprese kufizohet me kohen kur njeriu eshte duke dhene shpirt ne shtratin e vdekjes, gje te cilen e perkrah hadithi: “Askush prej jush te mos vdes, veçse duke pasur mendim te mire per Allahun (se do ta meshiroje).” Kete hadith e ka nxjerre Muslimi, nga transmetimi i Xhabirit (radiallahu anhu)…

Kurtubiu thote: “Thuhet gjithashtu se domethenia e fjales “ashtu si mendon robi Im per Mua”, d.m.th: nese mendon se do t’i pergjigjet lutja kur ben lutje, do t’i pergjigjem; nese mendon se do t’ja pranoj pendimin, do t’ja pranoj ate; nese mendon se do t’ja fal gjynahet kur kerkon falje, do t’ja fal ato, e keshtu. Kete e perforcon fjala e Pejgamberit ne hadithin tjeter ku thuhet: “Lutjuni allahut duke qene te bindur se do t’i pergjigjet lutjes suaj.” Prandaj, njeriu duhet te perpiqet me te gjitha forcat qe te kryeje detyrimet e tij duke qene i bindur se Allahu do t’ja pranoje ato atij dhe do ta fale ate, sepse Allahu e ka premtuar kete gje dhe Ai nuk e thyen kurre premtimin. Nese njeriu beson apo mendon se Allahu nuk i pranon veprat e tij apo se ato nuk do t’i bejne dobi atij, ky eshte pesimizmi dhe humbja e shpreses nga Meshira e Allahut, gje e cila eshte nga gjynahet e medha, dhe kush vdes me kete mendim, do te lihet ne mendimin e tij (do te veprohet me te ashtu si mendon se do te behet me te), siç ka ardhur ne disa transmetime te tjera te hadithit ne fjale, ku thuhet: “keshtu qe robi Im te mendoje çfare te doje!” Por, megjithate, te mendosh se do te te falen gjynahet duke qene se vazhdon me kembengulje duke bere gjynahe, kjo eshte injorance e madhe dhe vetemashtrim, i cili te çon ne rrugen e Murxhiave.

Fjala: “Unë jam me të kur ai më përmend Mua”, dmth: me dijen Time. (Por edhe kuptimi i drejtperdrejte eshte i sakte, sepse Allahu eshte me ne ashtu si i pershtatet Madheshtise se Tij).

Fjala: “Nëse ai më përmend në veten e tij, Unë e përmend atë në Veten Time”, dmth: nese njeriu me permend ne fshehtesi, brenda vetes se tij, duke me madheruar, duke me shenjteruar dhe pastruar nga te metat, Une e kujtoj ate me shperblimin dhe meshiren Time, ne fshehtesi (pa e ditur njerezit apo krijesat e tjera). Por kuptimi i kesaj mund te jete gjithashtu i njejte me fjalen e Allahut: “Me kujtoni Mua, qe t’ju kujtoj ju.” [El Bekare, 152], dmth: me kujtoni Mua me madherim, qe t’ju kujtoj me miresi ndaj jush. Po keshtu, Allahu thote: “Padyshim se permendja e Allahut eshte me e madhja.” [El Ankebut, 45], dmth: me i madhi adhurim, dhe kush e permend Allahun duke qene i frikesuar, Allahu e qeteson dhe e siguron ate, dhe kush e permend duke qene i vetmuar, Allahu e ben te ndjehet i shoqeruar nga Allahu, siç thote Allahu i Madheruar: “A nuk qetesohen zemrat me permendjen e Allahut?” [Er Raad, 28].

Fjala: “Nese me afrohet Mua nje pellembe, Une i afrohem nje krah; nese me afrohet nje krah, Une i afrohem nje pash; dhe nese me vjen drejt Meje duke ecur, Une shkoj drejt tij duke vrapuar.”, kjo fjale ka kuptim alegorik dhe te drejteperdrejte. Kuptimi alegorik eshte: nese njeriu vepron pak vepra te mira, shperblimi eshte me i madh se sa veprat e tij, dhe sa me shume te afrohet njeriu drejt Allahut duke vepruar vepra te mira, aq me shume Allahu i afrohet atij me falje gjynahesh, shperblim dhe ngritje ne grade; aq me shume e do ate. Kurse kuptimi i drejteperdrejte eshte te thuhet se Allahu afrohet vertet tek robi i Tij, ecen dhe vrapon, ashtu si i pershtatet madheshtise se Tij, te Lartesuarit, pa i shembellyer cilesite e Tij me ato te krijesave dhe pa i krahasuar me ato. Detyra jone kundrejt teksteve te tilla nga Kurani apo Suneti, eshte qe t’i besojme ato ashtu si kane ardhur, pa i shembellyer dhe pa i formezuar, por duke pastruar Allahun e Madheruar nga ngjashmeria me krijesat e Tij ne asgje, sepse Allahu i Madheruar e di me mire per Veten dhe Cilesite e Tij dhe i shpreh ato ashtu si do vete, dhe nuk i lejohet askujt qe me mendjen e tij te ceket dhe te kufizuar, t’ja zhveshe Allahut ato cilesi me te cilat ka cilesuar Vetveten, apo e ka cilesuar i Derguari i Tij (salallahu alejhi ue selem). [Komentimi i kesaj pjese te hadithit eshte perpunuar nga perkthyesi, duke marre parasysh shenimet e shejh Iben Baz (Allahu e meshirofte!), qe i ka shenuar nen kete hadith.]

Allahu eshte i Gjithedijshmi dhe suksesi eshte vetem nga Ai. Paqja dhe bekimet e Allahut qofshin mbi pejgamberin tone, familjen, shoket dhe te gjithe ata qe ndjekin rrugen e tij deri ne diten e Kiametit!

(Pyetja Nr. 29) Abdulaziz / Shkodër: / 21-9-2008

Message: Esselamu alejkum! Deshta me ju pyt dicka per ceshtjen e kaderit: 1. N.q.s nje njeri i ben dua All-llahut qe ti jape atij nje femije besimtar dhe te devotshem dhe All-llahu ia pranon duane, si shpjegohet liria e femijes ne besim kur besimi i tij ishte si shkak i duase? 2. si shpjegohet shprehja qe All-llahu nuk e ka paracaktuar mosbesimin per roberit e Tij? All-llahu jua shperblefte me te mira!

Përgjigje / 4-10-2008

1. N.q.s. nje besimtar i lutet Allahut qe t’i jape nje femije besimtar e te devotshem, kete lutje ai e ka bere me suksesin qe i ka dhene Allahu per ta bere ate, se po te donte Allahu nuk i jepte sukses qe ai ta bente ate lutje, dhe lutja qe ai ka bere eshte caktuar Allahu qe me pare, sepse Allahu di dhe njeh gjithçka ne hollesi me dije absolute qe para krijimit te krijesave te Tij. Nese dikush udhezohet ne Islam dhe e njeh te verteten, ai duhet te falenderoje vetem Allahun qe e ka udhezuar ate, sepse po te mos e udhezonte Allahu, ai nuk do te ishte udhezuar kurre. Nese nje person eshte udhezuar ne Islam, ai eshte udhezuar nga Allahu ne rrugen e vertete dhe kjo eshte shenje qe Allahu e ka bere ate prej banoreve te xhenetit, por askush nuk e di te sigurte kete gje per veten e vet apo per dike tjeter, sepse askush nuk e di te fshehten dhe askush nuk e di se si do t’i mbyllet jeta, me besim apo me jobesim, kete e di vetem Allahu. Prandaj besimtari qe e sheh te verteten dhe e njeh ate, e di mire se udhezimi tek ajo eshte vetem nga Allahu, dhe ai duhet te falenderoje vetem Allahun dhe te mos vetekenaqet se ka bere diçka, sepse pas saj mund te veproje keq dhe ta humbe udhezimin. Nese personi vepron nje veper te mire, ai duhet te falenderoje Allahun qe i dha sukses ne kryerjen e saj, dhe jo te vetekenaqet dhe te thote se bera mire, sepse ketu hyn shejtani dhe i fut vetekenaqjen dhe vetemashtrimin, pastaj humb rruge. Prandaj ne pas çdo namazi themi “estagfirullah” “O Zot na fal!”, qe te largojme nga vetja vetekenaqjen per vepren e mire qe kryem, pasi qe Allahu meriton shume here me shume se adhurimi qe ne kryejme, dhe ne nuk kryejme asnje te mire veçse me suksesin qe na jep Allahu.

Prandaj, mos u habit per besimin e femijes dhe mos thuaj se si shpjegohet liria e besimit, por detyra jote eshte te falenderosh vetem Allahun qe te ka udhezuar dhe te ka dhene sukses ne berjen dua dhe ne te gjitha veprat e mira qe ben. Besimtaret pas ramazanit, ne dite feste, urojne njeri-tjetrin qe Allahu t’ua pranoje agjerimin dhe veprat e mira, sepse ata nuk e dine nese u jane pranuar apo jo, sepse ata kane frike per nijetin e tyre dhe nuk e dine nese ka qene per hir te Allahut, apo nese kane qene apo jo ashtu si i kerkon Allahu, por kur i luten Allahut per njeri-tjetrin, Allahu i pranon lutjet e tyre, ua fal gjynahet dhe neglizhimet dhe ua pranon agjerimin dhe veprat e mira, atyre qe Ai do dhe qe i njeh mire se kush meriton t’i pranohet veprat e kush jo.

2. Me kete shprehje qe permendet ne pyetjen e dyte, mund te jete per qellim Fjala e Allahut: “Nëse ju e mohoni Atë, dijeni se Allahu është vërtet i panevojshem per ju. Megjithatë, Ai nuk është i kënaqur me mosbesimin e robërve të Tij, por kënaqet me ju, nëse e falënderoni. Asnjë gjynahqar nuk do t’i mbartë gjynahet e tjetrit. Pastaj, do të ktheheni te Zoti juaj e Ai do t’ju njoftojë për atë që keni bërë, sepse Ai e di vërtet se ç’keni në zemrat tuaja.” [Ez Zumer, 7] Pra, Allahu nuk eshte i kenaqur me mosbesimin e roberve te Tij, por jo se nuk e ka paracaktuar mosbesimin, sepse paracaktimi i mosbesimit eshte njesoj si krijimi i iblisit, qe kush do e ndjek dhe kush do e lufton ate. Pra, kjo duhet te kuptohet ne lidhje me paracaktimin e mosbesimit, apo me paracaktimin e te keqes, me paracaktimin e armiqesise se njeriut me shejtanin: krijimin e ketyre per te sprovuar njerezit dhe xhinet, ne menyren me te drejte, me te urte dhe me te persosur, sepse Allahu eshte i Gjithedijshmi, me i Urti, i Cili nuk i ben askujt padrejtesi prej krijesave te Tij, por denon kete per veprat e tij te keqija dhe shperblen kete per veprat e Tij te mira, me miresine dhe bujarine e Tij.

Nese do te kuptohen keto, atehere besimtari do ta shohe se pyetje te tilla nuk kane vend, por do t’i kerkoje falje Allahut per çuarjen ne mendje te tyre, dhe do te falenderoje Allahun nate e dite qe e ka udhezuar ne Islam, si dhe do t’i lutet Allahun nate e dite qe t’a beje te qendrueshem ne Islam, ta forcoje ne te dhe t’i jape sukses ne arritjen e kenaqesise se Allahut, duke kryer ato qe do Allahu dhe duke ju larguar atyre qe Allahu i urren dhe i ndalon. Do t’i lutet Allahut qe ta shpetoje nga denimi i Tij dhe qe ta fuse ne xhenet me miresine dhe bujarine e Tij, sepse vetem Allahu e ka ne dore suksesin dhe vepron me krijesat e Tij si te doje, me drejtesine, urtesine dhe dijen e Tij absolute.

Lusim Allahun te na jape sukses per arritjen e kenaqesise se Tij, sepse suksesi eshte vetem ne dore te Allahut, dhe paqja e bekimet e Allahut qofshin mbi pejgamberin tone, familjen, shoket dhe te gjithe ata qe ndjekin rrugen e tij deri ne diten e Kiametit!

(Pyetja Nr. 28) Flamur / Dardan / 25-8-2008

Message: selam alejkum vllezer deshta me ba nje pyetja per nje tem qe sun po gjej pergjegjje pytja asht: psh ne qoft se e shef nje anderr dhe ndodhin sene ne at anderr si dhe te njejtat sene ndodhin edhe ne jet te perditshme apo ne qoft se je tu nejt si dhe te vjen nje mendim mendon diq psh duke shku dikun apo duke u taku me nje vella duke fol me at vlla ndonje tem dhe mas 2-3 dite te ndodh takohesh me ta ne te njejtin vend dhe flet per te njejten tem sikurse ne at mendim Banma hallall vllezer All-llahu ju shperbleft.

Përgjigje / 29-8-2008

Mundesia me e madhe eshte qe kjo gje, dmth qe te shohesh ne jeten e perditshme diçka qe te duket sikur e ke pare apo e ke bere edhe me pare, kjo ndodh nga nje enderr qe mund te kesh pare kohe me pare, dhe qe e kujton ose e ke harruar, por te kujtohet ne ato çaste. Bota e enderrave dhe e shpirtit eshte diçka misterioze dhe nje nga shenjat e medha te Allahut qe u ka dhene njerezve per te krahasuar dhe per te kuptuar pak a shume vdekjen dhe ringjalljen. Ne keto gjera ka vertete argumente per ata qe mendojne dhe meditojne ne krijimin e Allahut, duke filluar qe ne veten e tyre, prandaj meditoni dhe mendoni ne shenjat e Allahut, ne qiell e ne toke, si dhe ne veten tuaj, sepse kjo gje ju rrit besimin dhe ju afron me shume tek Allahu i Madheruar. Allahu eshte Ai i Cili jep sukses, dhe paqja e bekimet e Allahut qofshin mbi pejgamberin tone, familjen, shoket dhe te gjithe ata qe ndjekin rrugen e tij deri ne diten e Kiametit!

(Pyetja Nr. 27) Zejd / Peqin – Shqipëri: / 14-8-2008

Message: selam alejkum vlla, desha te di dicka rreth imanit, cfare beson ehli syneti rreth imanit, dhe ku dallojne me murxhiat? veprat e plotesojne besimin apo jane pjese e tyre? A jane veprat domosdoshmeri per <korrektesine> e besimit?

Përgjigje / 26-8-2008

Pasuesit e Sunetit dhe xhematit besojne se Imani eshte fjale dhe veper, shtohet dhe pakesohet, shtohet me bindje ndaj Allahut dhe pakesohet me thyerje te urdhrave apo shkelje te ndalesave te Allahut.

Kurse murxhiat thone: “Imani eshte vetem besim me zemer, as nuk shtohet dhe as nuk pakesohet, dhe veprat nuk ndikojne ne besim dhe as nuk jane pjese perberese e tij. Besimi i te gjitha krijesave eshte ne grade te njejte: besimi i Xhibrilit e Mikailit eshte njesoj si besimi i me te prishurit prej njerezve, perderisa pohon ekzistencen e Allahut.” A ka te pavertete dhe humbje me te madhe se kjo, e cila kundershton tekstet e Kuranit dhe te Sunetit si dhe logjiken e shendoshe e te natyrshme?!

Pra, dallimi mes ehli sunetit dhe murxhiave eshte i qarte. Ehli suneti thone se veprat jane nga besimi dhe pjese perberese e besimit, por megjithate, ata nuk thone se nje musliman qe vepron gjynahe te medha del nga besimi dhe nga Islami, por thone se atij i eshte ulur besimi ne gradat me te fundit te tij, perveç nese ai e quan te lejuar gjynahen qe ben, ne kete rast ka dale nga Islami edhe nese ai gjynah eshte i vogel.

Nese jane te qarta keto, atehere ne qendrojme ketu ka kane qendruar selefet ne sqarimin e Imanit dhe perkufizimin e tij, pa u futur ne perdorime fjalesh e kuptimesh te tjera, te cilat nuk jane perdorur nga selefet dhe kane domethenie te shumekuptimshme apo qe kuptohen me kuptime te ndryshme nga degjuesi apo lexuesi i tyre, dhe keshtu ndodhin peshtjellime.

Lexo me shume ne lidhje me fjalen e Ehli sunetit dhe xhematit ne lidhje me Imanin, ketu.

(Pyetja Nr. 26) Anonim / Greqi: / 14-8-2008

Message: desha e pyes ne lidhje me engjejt Marut dhe Harut rreth magjise, kam lexuar ne tefsirin e ibn kethirit por prap se kam kuptuar. Ne Kur’an dhe ne disa vende te tjera perkthehet qe magjine e sollen engjejt, si perkthehen ajetet e sures bekare qe flet rreth kesaj ngjarje. desha nje shpjegim te hollesishem.

Përgjigje / 26-8-2008

Allahu i Madheruar, ne suren El Bekare, ajeti 172, thote:

Dhe ndoqën atë që thoshin[1] shejtanët në kohën e sundimit të Sulejmanit. Dhe nuk mohoi Sulejmani[2], por ishin shejtanët ata që mohuan; u mësonin njerëzve magjinë dhe atë që iu zbrit në Babil[3] dy engjëjve, Harutit dhe Marutit. Por ata të dy[4] nuk mësonin askënd pa u thënë: “Ne jemi vetëm sprovë, ndaj mos bëj mohim (mosbesim)!” Megjithëkëtë[5], ata mësonin prej këtyre të dyve gjëra me të cilat ndanin burrin nga gruaja, por nuk mund të dëmtonin me të (magjinë) askënd, veçse me lejen (dijeninë) e Allahut[6]. Ata (njerëzit) mësonin diçka që i dëmtonte dhe nuk u bënte dobi, madje e dinin mirë se ai i cili e bleu atë[7] (magjinë), nuk do të ketë pjesë[8] në botën tjetër. Nuk ka më të keqe se ajo për të cilën e shitën vetveten, veç sikur ta dinin[9]!

Pra, kuptimi eshte i qarte: ata qe ua mesonin magjine njerezve ne kohen e Sulejmanit ishin shejtanet, dhe dy engjejt qe zbriten ne Babil (vend ne Irak) sollen gjithashtu nje lloj magjie tjeter nga ajo qe kishin shejtanet, ose te njejte me te, si sprove per njerezit, duke i paralajmeruar ata dhe duke bere me dije se magjia nuk mund te demtoje askend veçse me lejen dhe vullnetin e Allahut; nese Allahu kerkon te sprovoje dikend apo ta ndeshkoje per veprat e tij dhe per t’i dhene mesim, e Allahu eshte i Gjithedijshem e i Urte, atehere lejon qe shkaqet te japin rezultatet e tyre dhe e lejon magjine ta zere personin qe i behet, dhe asgje nuk del nga vullneti dhe kontrolli i Allahut te Madheruar. Nese dikush habitet se si ka mundesi qe Allahu te zbrese magjine dhe t’ja mesoje ate shejtanit e ky njerezve, le te habitet me pare se si Allahu ka krijuar shejtanin! Pra, Allahu krijon dhe vepron ç’te doje me Vullnetin dhe Urtesine e Tij absolute.

Lusim Allahun te na ruaje nga magjia dhe nga çdo e keqe, dhe te na udhezoje ne adhurimin e Tij sa me te plote e te sinqerte! Allahu eshte Ai i Cili jep sukses, dhe paqja e bekimet e Allahut qofshin mbi pejgamberin tone, familjen, shoket dhe te gjithe ata qe ndjekin rrugen e tij deri ne diten e Kiametit!

[1] Që flisnin, tregonin, transmetonin, ndiqnin dhe mësonin prej magjisë. Taberiu transmeton nga Ibën Abasi (Allahu qoftë i kënaqur me të!) se ky ka thënë: “Në kohën kur Sulejani u sprovua, shejtanët shkuan dhe shkruajtën libra me përmbajtje magjie dhe mosbesimi, -i vulosën me vulën e Sulejmanit të cilën mundën me e marrë tinësisht- pastaj i groposën nën karrigen e Sulejmanit. Më pas (pas vdekjes së Sulejmanit), i nxorën ato dhe ua lexonin njerëzve.” Kur njerëzit i dëgjuan ato, e fajësuan Sulejmanin dhe thanë që ai ka qenë mohues. Kështu mbeti çështja e Sulejmanit (alejhi selam) deri sa Allahu dërgoi të Dërguarin e Tij, Muhamedin (Paqja dhe bekimi i Allahut qofshin mbi të!) dhe e pastroi Sulejmanin nga shpifja dhe padrejtësia që i ishte bërë, kur zbriti ajetin “Dhe ndoqën atë që thoshin shejtanët në kohën e Sulejmanit … [Taberiu].

[2] Çifutët, ndjekës të asaj që thoshin shejtanët prej magjisë dhe mosbesimit pretendonin se ishte Sulejmani ai i cili mohoi dhe bëri kufër, duke thënë se këto libra magjie ishin nga dija dhe transmetimi i tij dhe se ai i kishte nën sundim ata njerëz, xhinë e krijesa të tjera të Allahut si rezultat i magjisë. Dhe kështu e bënë veten të mirë para njerëzve injorantë dhe të paditur me atë që thuhej në Teurat, duke lejuar atë që Allahu e kishte ndaluar prej magjisë, pastaj justifikoheshin duke ja atribuar këtë gjë Sulejmanit (alejhi selam), pejgamberit të Allahut, i cili ishte njeri si edhe ata. Ata e mohuan që ai të kishte qenë pejgamber, dhe thanë se ka qenë magjistar. Atëherë Allahu e pastroi Sulejmanin, të birin e Daudit (Paqja e Allahut qoftë mbi të dy ata!) nga magjia dhe mosbesimi. [Taberiu].

[3] Emër vendi; mund të jetë për qëllim Babil në Irak ose Babilonia.

[4] Këta dy engjëj ishin dërguar sprovë për njerëzit, ashtu si edhe shejtani është sprovë për njeriun, ashtu si edhe e mira dhe e keqja janë sprovë për njeriun në këtë botë, dhe kështu që nuk i lejohet kujt të arsyetohet me këtë fakt për të bërë të lejuar mësimin e magjisë dhe praktikimin e saj. Madje edhe vetë vazhdimi i ajetit e sqaron këtë nga vetë fjala e atyre dy engjëjve.

[5] Njerëzit e refuzonin paralajmërimin e tyre dhe kështu, mësonin gjëra me të cilat ndanin burrin nga gruaja…

[6] Magjistarët nuk mund t’i bëjnë dëm askujt veçse me lejen dhe dijeninë e Allahut; vetëm nëse Allahu e ka caktuar që ajo magji do t’i bëjë dëm dikujt, asgjë nuk del nga mbikqyrja e Allahut dhe Vullneti i Tij.

[7] Magjinë duke shitur dhe hedhur Librin e Allahut. Janë për qëllim çifutët që e bënë këtë gjë, dijetarët dhe rabinët çifutë, qoftë në kohën e Musait (alejhi selam) kur zbriti Teurati, apo në kohën e pejgamberit Muhamed (Paqja dhe bekimi i Allahut qofshin mbi të!).

[8] Nuk do të ketë pjesë dhe as shpërblim me të mira në xhenet, por pjesa dhe shpërblimi i tij do të jetë e keqja dhe zjarri.

[9] Përfundimin e tyre të keq, dënimin e rëndë për veprën e tyre.

(Pyetja Nr. 25) Mesud / Prishtinë: / 8-7-2008

Message: Selam alejkum vlla. Une e kom nje pyetje kisha dasht me ju pergjigje qofse kishe mujt. E kam lexu nje fatwa qe e ka jep sheikh Ibn Uthajmini se Dielli sillet rreth tokes, ndersa shkenca e thot te kunderten a eshte e vertet fetwaja e sheihkhut pasi ai eshte bazu ne Kuran edhe Hadith.

Përgjigje / 13-7-2008

Eshte e vertete se shejh Iben Uthejmin (Allahu e meshirofte!) thote se eshte dielli ai qe sillet rreth tokes dhe nderrimi i nates dhe i dites ndodh me rrotullimin e diellit rreth tokes dhe jo e kunderta. Shejhu thote se kjo gje kuptohet nga domethenia e drejtperdrejte e teksteve nga Kurani dhe Suneti ku permendet kjo gje, siç thuhet ne Fjalen e Allahut per Ibrahimin i cili i tha polemizuesit te tij: “Allahu e sjell diellin nga lindja, sille ti nga perendimi!” [El Bekare, 258] Po keshtu ne Fjalen e Allahut: Ti (o Muhamed) do ta kishe parë Diellin kur lindte, se si anohej nga e djathta e shpellës së tyre dhe, kur perëndonte, ata i linte në anën e majtë, ndërkohë që ata gjendeshin në mesin e saj.” [El Kehf, 17]. Pra, ne keto ajete dhe ne te tjera, thuhet se eshte dielli ai qe leviz. Megjithate, shejh Iben Uthejmin nuk e mohon se edhe toka leviz, por thote se kjo gje nuk permendet ne menyre te drejtperdrejte ne ndonje tekst hyjnor. Kete mendim te shejhut e gjen ne librin “Mexhmuu Fetava ue Rasail Iben Uthejmin”, Fetvaja nr. 24, 25.

Ky eshte mendimi i shejh Iben Uthejmit dhe perfundimi qe ai nxjerr nga kuptimi i ajeteve dhe haditheve qe flasin ne lidhje me diellin dhe token, por sigurisht qe shejhu eshte njeri dhe mund te gaboje, por gabimi i tij eshte i falur nga Allahu, sepse ai eshte perpjekur per te verteten dhe shperblehet per perpjekjen e tij edhe nese nuk ia qellon te vertetes.

Ne mendojme se rrotullimi i tokes rreth diellit dhe i vete diellit ne sistemin diellor eshte e vertete shkencore, te cilen Kurani nuk e mohon, por thote: “As Dielli nuk mund ta arrijë Hënën e as nata nuk mund t’ia kalojë ditës; të gjitha lundrojnë në orbitat e veta.” [Jasin, 40]. Pra, qe te gjitha levizin, dielli, hena, toka, yjet. Ky eshte krijimi i Allahut, per te cilin ne duhet te meditojme dhe te madherojme Krijuesin e çdo gjeje ne menyren me te persosur.

Allahu eshte i Gjithedijshmi, dhe Ai jep sukses. Paqja e bekimet e Allahut qofshin mbi pejgamberin tone, familjen, shoket dhe te gjithe ata qe ndjekin rrugen e tij deri ne diten e Kiametit!

(Pyetja Nr. 24) Anonim / Kosovë: / 26-6-2008

Message: Selam Alejkum!
A permendet “Trekendeshi i Bermudes” ne Kur’an dhe nese po cka thuhet aty per te??

Përgjigje / 28-6-2008

Ne lidhje me kete pyetje, nje moter nga Gjermania, Allahu ia shperblefte me te mira, na ka derguar nje pergjigje e cila mendojme se mund te jete sakte dhe e vertete ne lidhje me “Trekendeshin (e famshem) te Bermudes”, aq te perfolur para disa vitesh, per te cilin ne nuk u habitem shume, pasi qe ai mund te kishte lidhje me hadithin e nxjerre nga Muslimi, ku Pejgamberi (salallahu alejhi ue selem) thote: “Iblisi e vendos fronin e tij mbi uje dhe pastaj dergon ekspeditat e tij (shejtanet qe e ndjekin ate) dhe me afer tij prej tyre eshte ai qe ben me shume trazira e fitne…” Pra, ky hadith e komenton kete ngjarje, nese ajo eshte e vertete dhe jo politike e shteteve te medha, por te verteten e kesaj e di vetem Allahu dhe kjo nuk luan ndonje rol ne besimin tone dhe as ka ndonje dobi prej saj, keshtu qe nuk duhet te preokupohemi me te. Me poshte po sjellim mesazhine motres qe permendem ne fillim:
Message: Selamun alejkum. Dashta te nderlidhem me pyetsin qe pyeti lidhur me “trekendeshin bermude”. Ka qene para disa muajve nje program ne gjermani lidhur me kete tem mos gaboja tek prog. “prosieben,galilo”, ata kane bere disa sqarime lidhur me kete teme kur ne luften e dyte boterore kan humbur tre aeroplan dhe kan then qe kan hyr ne kete trekendsh. Sipas gjurmeve te gjetura tani kjo ka qen nje propagand amerikane per te fshehur gabimet te udherave ushtarake te cilet gjate japjes se informateve ne linje dmth me pilotet ka humbur kontakti nga koha e keqe dhe kan qen disa ishuj te ngjajshem keshtu qe at kan shkuar ne drejtim tjeter dhe dihet kan humbur ne orientimin e tyre ne det dhe paspak kohe kane rene ne det. Ajroplanet me vone jan gjetur por ushtria amerikane nuk ka ber me dije per te mos humbur autoritetin keshtu qe kan dhen propaganden lidhur egzistimin e ketij trekendeshi. Supozohet qe ka ne deti ky trekendesh ne forme mjegulle,por prap sipas sdudime nuk kan hasur gje veqse jan ne hulumtime lidhur me terheqjen e gravitetit te tokes dhe te fushes magnetike ne nje pike te tokes qe e perfshijn edhe nje pjes te detit dhe te qiellit dmth aty ne kete zon ku udhetojn me anije dhe me ajeroplan mund te ndodh edhe fundozja e anies dhe rezimi i aeroplanit. Ketu jan dy supozime dmth graviteti i tokes dhe supozimi i dyte qe ne nje pjese te detrave ka dhe disa lirime te gazrave qe bejne fluska te medhenj gjate lirimit te tyre dhe pastaj behen dallga te detit dhe keto po bejn permbysje te anive.Dmth sipas shkencetarve nuk egziston ky lloi i bermudes qe zhduken gjerat, por jane kushtet atmosferike qe Allahu i ka len ne disa vende te ndryshme. [Mbaroi mesazhi]

Ndersa pyetja se a flitet per te ne Kuran, eshte pak pyetje vulgare, sepse se pari ky emer “Trekendeshi i Bermudes”, eshte nje emer i vendosur se fundmi nga njerezit, per arsyen se ky vend gjendet prane ishujve Bermuda dhe ka formen e trekendeshit, sipas tyre, dhe prej kesaj ka marre edhe emrin. Por siç e thame ne fillim, ajo qe eshte permendur ne hadith eshte se Iblisi (djalli) e vendos fronin e tij mbi uje dhe urdheron shejtante e tij per pune te keqia, por ne nuk e dime kete vend dhe as nese ai eshte nje vend i vetem apo disa vende te ndryshme neper oqeane e dete te ndryshme. Por, siç e thame, preokupimi me keto gjera eshte pa fryte, ndersa ne e lusim Allahun te na jape dije te dobishme dhe te na beje dobi me dijen qe na jep! Allahu e ka ne Dore suksesin, dhe paqja dhe bekimet e Allahut qofshin mbi pejgamberin tone, Muhamedin, familjen dhe shoket e tij!

(Pyetja Nr. 23) Kujtim / Kosovë: / 24-6-2008

Message: selam alejkum. Hadithi qe ka thene Pejgamberi alejhiselam se kush i afrohet ALlahut nje arshin Allahu i afrohet nje kraroh, apo kush i shkon ALlahut ngadal Allahu i shkon atij shpejyt,e pyetja si ka mundesi me na afrue Allahu neve dhe qysh.

Përgjigje / 1-7-2008

Pejgamberi (salallahu alejhi ue selem) ka thene: “Allahu i Madheruar thote: “Une jam ashtu si me mendon robi Im dhe Une jam me te kur ai me permend Mua. Nese ai me permend ne veten e tij, une e permend ne Veten Time, dhe nese me permend ne nje tubim, Une e permend ate ne tubim me te mire se ai. Nese ai me afrohet Mua nje pellembe, Une i afrohem atij nje krah, dhe nese me afrohet nje krah, Une i afrohem atij nje pash, dhe nese vjen drejt Meje duke ecur, Une shkoj tek Ai duke vrapuar.” [Buhariu dhe Muslimi]. Nga ky hadith kuptohen dy gjera kryesore: E para: Allahu eshte i Meshirshem dhe Bamires me njerezit, dhe Ai do qe ata te udhezohen dhe udhezimi i tyre e gezon Allahun, ndaj kur ndonje prej roberve te Allahut vepron nje veper te mire sado te vogel, me qellim qe te afrohet tek Allahu, Allahu i mundeson atij veprimin e veprave te tjera te mira dhe i jep shperblim shume me te madh se ai qe meriton, nga Meshira dhe bujaria e Tij, te Madherishmit. E dyta: Prej atributeve te Allahut eshte se Ai ecen dhe vrapon ashtu si i pershtatet Madheshtise se Tij, pa i ngjasuar ecjes dhe vrapimit te krijesave. Kjo eshte bindja e pasuesve te sunetit dhe te xhematit ne lidhje me atributet e Allahut te Madheruar: qe te besojne ate qe thuhet ne hadithe ashtu si ka ardhur, dhe se forma apo menyra e atyre cilesive nuk dihet veçse nga Allahu i Madheruar, pa i ngjasuar asaj te krijesave, i Lartesuar dhe i Paster eshte Allahu nga kjo gje. Ne fetvane nr. 6932, te Komisionit te perhershem te fetvave ne Saudi, thuhet: “Pyetje: A ekziston cilesia e te vrapuarit per Allahun?” Pergjigje: “Po, cilesia e te vrapuarit ekziston ashtu si ka ardhur ne hadithin kudsij, ashtu si i pershtatet Allahut te Madheruar: “Nese ai me afrohet Mua nje pellembe, Une i afrohem atij nje krah, dhe nese me afrohet nje krah, Une i afrohem atij nje pash, dhe nese vjen drejt Meje duke ecur, Une shkoj tek Ai duke vrapuar.” [Buhariu dhe Muslimi]. Allahu eshte Ai i cili jep sukses! Paqja dhe bekimet e Allahut qofshin mbi pejgamberin tone, Muhamedin, familjen dhe shoket e tij!

(Pyetja Nr. 22) Salahudin / Shqipëri: / 23-6-2008

Message: eselemualejkum Kam nje pyetje ne lidhje me familjen. Babai im me ka vdekur ka koh 10 vjet ateher unë nuk e kam pas pranue Fen Islame me cfar mbaj mend babi Allahun e ka besue si Zot mirpo ka pas probleme me besim ne jeten e Ahiretit si shum te tjere ndofta edhe une derisa deshi Allahu elhamdulilah me udhezoi me cafar di une nuk ja ka çue kush argumentin te pakten sikur i therrasim ne sot familjet tona ne Teuhid, bile dervishet i ka pas bezdi ne mos u gabofsha? Nga femijet e tij jemi 5, 4 falemi edhe agjerojme pervec njerit edhe nena ime, mirpo babi ka pas nje vdekje tragjike e ka pas pi alkolin shum sa Allahu ja mori shpirtin ne gjendje nga i dehur pesoi insult e goditi paraliz ne gjysmen e trupit dhe vdiq pa goje. A me lejohet mua apo antareve te familjes te bejme dua per te qe Allahu tia fal gjynahet? Allahu te shperblefte.

Përgjigje / 1-7-2008

Muslimani eshte urdheruar qe te beje lutje per muslimanet e vdekur prej te afermve te tij e me gjere, por ai eshte ndaluar qe te lutet per ate qe ka vdekur jomusliman, qofte edhe babai apo nena e tij, sepse Allahu thote: “Nuk i takon të Dërguarit dhe as besimtarëve që të kërkojnë falje për idhujtarët, qofshin këta edhe të afërmit e tyre, pasi u është bërë e qartë se ata janë banorë të Xhehenemit.” [Et Teube, 113]. Por, perderisa nje gje e tille nuk eshte e qarte, d.m.th. perderisa çeshtja e babait tuaj nuk eshte e qarte nese ai ka vdekur musliman apo jo, por duke qene se ne origjine ka qene musliman, edhe pse ka bere gjynahe te medha, siç eshte pirja e alkoolit dhe vazhdueshmeria ne te, gje e cila ka çuar ne demtimin e vetes se tij, por gjynahet e medha nuk te nxjerrin nga Islami nese je ne te, dhe çeshtja e personit te tille eshte ne Dore te Allahut, nese do e fal dhe nese do e denon. Pra, mendojme se perderisa babai juaj ka besuar ne Zot dhe se Islami eshte feja e Allahut, dhe se Muhamedi eshte i Derguari i Allahut, por ka pasur dyshime ne shtyllat e imanit, gje e cila eshte kufer, per te cilat ai mund te kete justifikim sepse nuk i ka ardhur dija apo thirrja e vertete, ne kete rast lejohet lutja per te qe Allahu t’a fale apo t’ia lehtesoje denimin, e Allahu e di me mire! Allahu eshte Ai i cili jep sukses! Paqja dhe bekimet e Allahut qofshin mbi pejgamberin tone, Muhamedin, familjen dhe shoket e tij!

(Pyetja Nr. 21) Muslimane / Gjermani: / 22-6-2008

Message: Selamun alejkum vella musliman, gjithmon e kam ne mendje kete pyetje por askund nuk mundem te gjej pergjigje, e kam pyetur edhe disa me te dishem se une por edhe ata nuk kan dit t’me pergjigjen, pyetja eshte keshtu: Si eshte puna e kesaj besimtares qe fal namaz dmth eshte banore e Xhennetit, kurse burri i saj per shkak te mos faljes dhe gjynaheve te tjera eshte banor i xhehnemit. dmth pyeja eshe se kjo besimtare a e pret burrin e saj deri sa te del nga xhehnnemi (pasi eshte thenje e All-llahut qe besimtaret qe kan pasur besim te paster ndaj Allahut sa kokra e grurit dhe qe nuk i bejn Allahut shirk do te vendosen perseri ne xhennet, dmth pastaj behen perseri bashk? Ndoshta e komplikova pak duke u shkepur ne pershkrim por shpresoj qe pyetja eshte e qarte. Allahu ju shperbleft u befshit prej atyre bonoerve Te xhennetit pa dhen llogari !!!

2. A eshte pa tjeter kunorizimi tek ne muslimanet me u be me Hoxh? Me than mua qe ta bej sa me shpejt kunorizimin se nuk me vlen qe e kam bere ne komun qe nuk ka qen Hoxha. Une e kam ndegju nje intervist te imam Albanit (All-llahu qoft i kenaqur me te), aty me sa e kam kuptuar duhet te jet prinderit e tyre pa tjeter dmth baba, nese nuk ka bab ateher vellau. A ka mundesi nje sqarim lidhur me kunorizimin.

3. E kam edhe kete pyetje: meqense ketu ne gjermani po hyjm vone ne namaz te jacis ashtu kah ora 24.14 (sipas takvimit), e pastaj koha e namazit te sabahut po eshte me se vonti pak para 5 te mengjesit, dhe une ndonjeher nga lodhja me femijun tim foshnje gjate nates nuk po e ndegjoi alarmin ose po ndali pa vetdie, keshtu qe po du me hek dyshimin qe e kam, a mundem te fali sabahun ateher ne ate moment kur sgjohem, se kam ndegjuar kur te lind dielli me nuk ben te falish namazin se pabesimtaret i bijn ne sexhde diellit. E kam lexuar nje pergjigje te ngjajshme por shejtani po me jep ende dyshim keshtu qe dashta veq nje pergjigje te shkurt qe ta heki dyshimin. Me ben hallall per shum pyetje por pasi po jetoi ne gjermani nuk kam tjeter ku te mar pergjigje te sakta. Por me gjithate Allahu te shperbleft per mundin e juaj.

Përgjigje / 28-6-2008

1. Besimtari duhet te preokupohet me shume me punet dhe veprat qe te çojne ne xhenet, se sa me gjera qe jane te fshehta dhe nuk dihen plotesisht ne lidhje me vete xhenetin. Ajo qe dihet eshte se xheneti eshte vendbanimi i besimtareve te cilet e mbyllin me sukses jeten ne dynja dhe atje do te kene te gjitha te mirat, prej te cilave jane edhe bashkeshortet e tyre qe kane pasur ne dynja, nese kane qene besimtare dhe nese jo, me bashkeshorte te tjere, me te mire se ata. Ne disa hadithe permendet se grate e xhenetit i presin burrat e tyre me mallengjim dhe me padurim, por ketu mund te jete per qellim grate e xhenetit prej hyrive, megjithese nuk ndalon qe te jene edhe grate e tyre te cilat i kane pasur ne dynja, dhe me te cilat do te vazhdojne jeten e perjetshme. Dija e hollesishme per kete eshte tek Allahu dhe do te mesohet ne boten tjeter, lusim Allahun te na beje prej banoreve te xheneteve te larta!

2. Nuk eshte kusht qe kurorezimi te behet me hoxhe dhe as ne xhami, por kusht eshte qe te jete prezent kujdestari i vajzes dhe dy deshmitare. Te tjerat jane formalitete, te cilat zakonisht behen ne vendet ku muslimanet jane pakice dhe kur prinderit e vajzes nuk jane muslimane; ne kete rast kujdestar per te mund te quhet kryetari i komunitetit musliman ne ate vend, ose nje i emeruar nga ai per keto çeshtje. Nuk ka problem regjistrimi i marteses ne gjendjen civile, madje diçka e tille eshte e domosdoshme sot per arsye civile qe dihen.

3. Kur muslimanit i ka kaluar koha e nje namazi apo afron te kaloje koha e tij, per shkak gjumi apo harrese, a diçka tjeter, ai menjehere duhet te filloje faljen e atij namazi pa veshtruar fare te dielli nese eshte duke lindur apo duke perenduar, sepse ndalesa qe eshte bere nga te falurit ne keto kohe, nuk eshte ndalese e pavarur por ndalese per shkak te diçkaje tjeter: nga frika e te ngjasimit me adhuruesit e diellit apo edhe me adhurimin e diellit, d.m.th. nga frika e shirkut. Por kjo ndalese eshte vetem per namazet nafile ne keto kohe, ndersa kur ke per te falur namaz farz apo namaz me sebep, siç jane dy rekaten e pershendetjes se xhamise, per keto namaze nuk ka ndalese qe te falen ne kohet e ndaluara per namaz nafile, por urdheri eshte qe ato te falen menjehere. Allahu eshte Ai i cili jep sukses! Paqja dhe bekimet e Allahut qofshin mbi pejgamberin tone, Muhamedin, familjen dhe shoket e tij!

 

 

«11»   «10»   «9»   «8»   «7»   «6»  «5»   «4»   «3»   «2»   «1»